<$BlogRSDUrl$>

Friday, October 28, 2005

Íransforsetinn og röfl hans.

Bandaríkjamenn eru nú búnir að vera að standa í stríðsundirbúningi í Íran í marga mánuði núna og virðist þeim ganga ansi vel að sannfæra alþjóðasamfélagið um nauðsyn þess að ráðast þangað inn. Þeir læra á reynslunni og í þetta skiptið er enginn vafi um að þessir gaurar eigi alvöruvopn sem af stafar ógn sem verður að uppræta. Þeir eru jú að þróa kjarnorkuvopn sem enginn nema ábyrg þjóð einsog BNA má hafa undir höndum. En BNA eru einmitt búnir að vera að hanna nýtt kjarnorkuvopn sem er tilvalið til notkunar við þessar aðstæður. Það er minna en hefðbundin kjarnavopn og mundi sóma sér vel á þeim vígvelli sem verið er að skipuleggja í Íran. Sko málið er það að BNA eru í heilögu stríði gegn hryllingi og það þýðir ekki að stunda það með hangandi hendi þannig að þegar Íraks herferðinni er "lokið" eða nógu lokið þá þarf að halda áfram stríðinu þar til allir vondu kallarnir eru annaðhvort dauðir eða orðnir stjórnanlegir. Næst á dagskrá er og búið að vera lengi í þessu heilaga stríði er jú Íran. Íranir eru búnir að vera meira og meira í sviðsljósinu eftir því hvaða þörf BNA hefur til að eignast nýjan og áþreifanlegan óvin sem öll heimsbyggðin "sættir" sig við. Íransforsetinn nýji er þar sem hann er vegna þess að BNA aðstoðuðu við að koma honum til valda og það hentar þeim frábærlega að hann skuli koma nú með sínar yfirlýsingar akkúrat núna þegar BNA þarf hvað mest á því að halda að dreifa athyglinni frá Íraksmálinu. Íransforseti hefur lýst því yfir að hann vilji "má Ísrael út að kortinu" og þar með er hann búinn að sinna skyldu sinni við BNA og getur sest í helgan stein í fjallakofanum sem þeir kumpánar í CIA eru búnir að byggja handa honum í Colorado fjöllum. Nú berst sem sinueldur þessi hallærislega augljósa, tilbúna yfirlýsing Íransforsetans um heiminn á öldum ljósvakans sannfærandi allar hálfvita manneskjur um nauðsyn frekari stríðsreksturs í guðs nafni hallelúja. Nú er ljóst að BNA og Ísrael ætla saman í stríð gegn Íran. Sjá hér m.a. (www.globalresearch.ca/articles/CHO505A.html)
Ísraelsmenn eiga kjarnorkuvopn sem eru þannig gerð að áhersla er lögð á gammageislun en ekki á sprengikraft sem gerir það að verkum að fólkið steikist en húsin eiga að standa eftir. Gazalega sniðugt. Ég hlakka til að sjá öll nýju vopnin sem Ísrael á eftir skutla inn í þessa annars stórskemmtilegu herferð sem er að tröllríða heimsbyggðinni. Og hver veit kannski verðum við heppinn og þessi æsispennandi átök breiðast víðar og við fáum kannski að ylja okkur við skínandi gammageisla einn daginn. Það væri nú aldeilis fínt að fá smá sólarsendingu í skammdeginu.

p.s. það er miklu meiri olía í Íran heldur en Írak.
http://www.eia.doe.gov/emeu/cabs/iran.html

Thursday, October 27, 2005

þetta væri nú ljúft...

http://www.markmenn.is/markmenn.php

smellið á JULEFROKOST

DV er farið að koma inn um lúguna heima algjörlega óumbeðið talandi um ó...þá stendur einmitt á forsíðu DV í gær: "Lá afskiptur og ósjálfbjarga í fjóra sólarhringa" Er íslenskukunnátta mín bara drasl og þetta er í góðu lagi eða er eitthvað bogið við þessa setningu?
Ef að maðurinn liggur afskiptur er þá ekki einhver að skipta sér af honum? Er einhver sem getur hjálpað mér með þetta og útskýrt fyrir mér þá hver hin rétta merking orðsins afskiptur er takk.

Tuesday, October 25, 2005

Karlmenn gengu í störf kvenna í gær að einhverju leyti og frétt ég að fólk sem hefði verið að reyna að hringja í einhverjar staofanir í gær hefð fengið stressaða karlmannsrödd sem grátbað viðkomandi um að hringja aftur degi síðar útaf hversu vanhæfur svarkarlinn á símanum kvað sig vera. "Já góðan dag geturðu gefið mér samband við..." "NEI NEI ég get ekki...ég er hræddur við takkana erfitt...bara kona ýta á þá hringja seinna...bless!" Þetta eru sögurnar sem maður heyrir en hvað um sögurnar sem maður ekki heyrir hvernig eru þær? "Sæl Guðbjörg og velkomin til starfa, var gaman í gær? nú var ég að vinna vinnuna þína í gær. Það gekk nú bara mun betur en ég bjóst við. Ég er búinn að klára verkefnið sem ég setti þér fyrir fyrir mánuði síðan og þú áttir í svo miklum erfiðleikum með. ha? Nei þetta gengur ekki svona þú ert rekin og ég geri vinnuna þína svona bara samhliða mínu starfi framvegis!"

Þetta frétti ég að Geiri á goldfinger hefði sagt við einn (núna) fyrrverandi starfsmann sinn fyrir ca. korteri síðan.

Sunday, October 23, 2005

Kvennafrídagurinn. Mér finnst að allir karlmenn eigi að sýna konum stuðning og sýna hann í verki á morgun með því að taka sér frí í vinnu og fylgja þeim í bæinn og hrista kröfuspjöld og brenna brjóstarhaldara og nærbuxur og... Nei það væri það nú ef karlar myndu fjölmenna konum til stuðnings það myndi vekja svo mikla athygli að allt hitt mundi gleymast í fjölmiðlafárinu. Skemmtilegt... fara og eigna sér stemninguna og traðka á blessuðum konunum sem eiga allt ágætt skilið. Karlar eru líka konur!
Gæti staðið á einu skilti.
Sumar konur eru karlmannlegar!
Konur voru einu sinni börn og börn eru líka fólk. Þannig að konur voru fólk þegar þær voru börn!
Gæti staðið á einu stóru skilti kannski?


Sumt fólk er varúlfar! og varúlfar eru stundum fólk!

Nei að flestu gríni slepptu þá segi ég bara go girls! Það er fátt meira sexí en konur í kröfugöngum (í logandi nærfötum!)

Thursday, October 20, 2005

Bjórdrykkja og beikonát er nammigott. Al Shamshoons verða nú sýndir í arbísku sjónvarpi í fyrsta sinn eða "the simpsons" einsog við þekkjum þá. En þeir verða ritskoðaðir og verður bjórinn einhvern veginn dulbúinn sem kannski niðursoðinn aspas og beikonát Homers þá væntanlega breytt í döðlur. Þetta er magnað hvernig BNA ætla sér að vinna hug og hjörtu arabaþjóðanna núna. Simpsons eru frábærir og allt það en hvernig ætli þetta sé ákveðið í BNA ætli það sé sett sérstök special relations nefnd á vegum ríkisins til að meta hvaða heilaþvottur sé líklegastur til að breyta hugarfari araba gagnvart BNA og ég veit ekki hvort að húmorinn í Simpsons sé eitthvað sem verði til að sópa undan þeim fótunum þar sem menningarheimarnir frekar ólíkir og húmorinn eftir því. En hvað veit ég. Kannski verða þessar sýningar til þess að á næsta félagsfundi Al qaida munu menn skiptast á simpson frösum og í kjölfarið endurskoða viðhorf sitt til BNA og finnast þeir bara krúttilegir kjánalabbar sem mega alveg leggja undir sig heiminn og stjórna lífum þeirra í gegnum sjónvarp fyrst það er svona skemmtilegt. Hver veit nema arabaþjóðirnar eigi eftir að hreinlega eftir að taka upp siði vesturlanda og sitja með niðursoðinn aspas og döðlur fyrir framan sjónvarpið allan daginn og fá aspasbumbur og döðlutengda hjartasúkdóma.
Hver þarf Al Qaida þegar við höfum Al Shamshoons?

Sunday, October 16, 2005





Þessi var fengin að láni frá Wulffmorgenthaler

Friday, October 14, 2005

Ég er að hlusta á Guns n Roses - LIVE 87-93 sem er jú gott ef ekki þeirra prime time. Öxlin gat nú sungið á þessum tíma. Ég mæli eindregið með þessum disk fyrir hvern sem er.

Það er fyndið að sjá hvað þetta tímabil er orðin mikil tíska og stelpur eru gangandi um í kúrekastígvélum eða einsog það er lauslega þýtt yfir á ensku: Cowboystepmachine...

Þegar maður strunsaði um bæinn í leðrinu og stígvélum þá voru einstaka stúlkukind sem þorði að láta útúr sér að henni fyndist þetta ógeðslega flott og þá yfirleitt var það þegar enginn annar heyrði og þá væntanlega bara til geta gabbað mig í bólið með sér...en það dugði mér. Ég mæli með því að allir mínir lesendur fari nú á netið og finni sér hræðilega flott kúrekastígvél og panti og gefi sér þau í jólagjöf eða bara í einhverja gjöf. Ef þið finnið flotta linka þá setjiði þá endilega í commentin.
Nú eru GNR einmitt að spila sweet child O'Malley sem er sígildur slagari.

"..her hair reminds me of a warm safe place where as a child I'd hide and pray for the thunder and the rain to quietly pass me by..."

W.A.Rose
Rokklingur





p.s. W.A. stendur fyrir Wolfgang Amadeus

Wednesday, October 12, 2005

Sjónvarpið heldur áfram að úða á mig sítrónuferskum vindblæ úr áður óþekktum áttum...nýjasti og jafnframt ferskasti vindurinn er hið nýja Kastljós á RUV. Þar er einlægnin, hógværðin og tilgerðarleysið í fyrirrrúmmi. Þar er hresst fólk sem er gersamlega laust við óþarfa stæla og kemur sér beint að efninu. Intróið segir í rauninni allt sem segja þarf. Mér finnst að það ætti bara að sýna intróið og sleppa restinni af "ljósinu" eða bíddu...sleppa intróinu líka...slökkva bara á kastljósinu og endurráða frekar Eddu Andrésdóttur á RUV til að stjórna Skonrokki.

Ég var í bíóhúsi í mjóddinni áðan og sá 40 year old virgin ásamt nokkrum frændum mínum sem vildu endilega sjá hana. Ég drullaðist með og skemmti mér ágætlega. Hún er bara soldið fyndin.

Nú er Rob Schneider búinn að vinna hug minn og hjarta með sinni sígildu kómík og nú síðast mynd með þessum titli.

jæja skítt með það...

Ég sá sjónvarpsauglýsingu helvítis áðan. Hún var frá einverfum bar í keflavík...sportbar í keflavík að auglýsa í sjónvarpinu og ég man ekki hvað staðurinn heitir en það var verið að lokka mann þangað með ómótstæðilegum gylliboðum sem hljómuðu einhvernveginn svona:
"....boltinn í beinni (einhver annar þáttur) og ástarfleyið á risaskjá." VÁ...
Sjáiði fyrir ykkur aflituðu sturtunauðgarana sitja saman á sportbar með bjór að horfa á ástarfleyið! Bíðandi eftir að "eitthvað gerist". Fokking shit þetta er eitthvað svo pervertískt að það liggur við að ég geri mér ferð til keflavíkur og horfi á minn fyrsta ástarfleysþátt í þessu sveitta samhengi. Svo eru örugglega nokkrir officerar og herramenn af vellinum þarna að höstla unglingsstelpur og svo þegar það tekst ekki hjá þeim þá skera þeir leigubílasæti með sérsveitahnífunum sínum.

Sunday, October 09, 2005

Ah elskulegur mánudagur mættur á ný með ferska vetravinda þína ó þér mánalegi dagur þú upphafsdagur mikli í dag er fyrsti dagurinn í því sem eftir er af lífi þínu....

..ok ég datt aðeins út en hér er ég kominn aftur og lesiði þetta!

http://sacramentofordemocracy.org/?q=node/view/3060

Wednesday, October 05, 2005





Þarna er ég í Sakkara við fyrsta píramyndann sem var byggður. Arkitektinn af honum hét Imhotep og var í miklum metum hjá Soser konungi sem réð hann til verksins. Mér fannst ég heyra aitthvað einkennilegt hljóð koma neðan úr jörðinni þannig að ég lagðist við hlustir og viti menn það var the mummy að öskra oní jörðinni fyrir neðan tásupomslurnar mínar.

Ég tók með mér steinvölu af þessum stað sem var brot úr súlum sem lágu þarna fyrir framan pýramídann. Það var stór höll þarna við hliðina þar sem faraóinn bjó og fylgdist með byggingu grafhýsis síns alla ævi. Þessi steinn sem ég hirti er sennilega úr höllinni og honum fylgir örugglega MUMMY BÖLVUN!!!

Annars er ekkert gaman af þessu.




Þarna er ég í bedúínabúðunum á úlfaldabaki í fyrsta sinn á ævinni og það var ferlega gaman. Þeir fullvissuðu mig um að þetta væri nú alveg ókeypis rúntur. Nema hvað þegar þeir voru búnir að teyma mig afsíðis þá rukkuðu þeir mig einn sem var með á myndinni þurfti að fá pening og líka sá sem tók myndina en svo þegar það var búið þá þurfti að rukka fyrir afnot af úlfaldanum og þá sagði ég no fuckin way you beduin dudes! og strunsaði í átt að bleika fólkinu með myndavélarnar. þar sem ég fann öryggi og loftræstingu.

meira síðar...

Tuesday, October 04, 2005


Sunday, October 02, 2005

http://www.bbc.co.uk/science/hottopics/cannabis/index.shtml

fuss og svei

This page is powered by Blogger. Isn't yours?