<$BlogRSDUrl$>

Thursday, June 21, 2007

http://visir.is/article/20070619/FRETTIR05/70619087&nocache=1

Monday, June 18, 2007

...eða einsog Bruce Willis hefði sagt: Hæ hó jibbí jei og jibbí kæjeij (muthafuckah) það er kominn átjándi júní.

Sunday, June 10, 2007

Þjóðin er tilbúin til að fyrirgefa dópsmyglara einfaldlega af því að hann er Idol-stjarna.

Maðurinn(KB) hafði langan tíma til þess að velja úr milljörðum möguleika en hann ákvað aftur og aftur að þetta væri málið. Halda áfram í þessu rugli þangað til að það er komið á það stig að mamma hans er að lesa bréf (sem hann skrifaði til hennar) í kastljósinu. Við fengum meira að segja að sjá myndir af bréfinu með skriftinni hans sem er svipað vond og mín og ég vildi ekki að mamma mín myndi sýna alþjóð hvernig hún(skriftin mín) lítur út.

Það eru allir í rusli yfir því að aumingja KB skuli hafa verið nafngreindur í fjölmiðlum. Nú er aðalverkefni þjóðarinnar að finna blóraböggul fyrir KB. Þetta var ekki honum að kenna! Það eru önnur öfl að verki! Þetta getur ekki verið satt!

Maðurinn er fullorðinn og hann er ekki greindur sem geðfatlaður! Hann ákvað þetta sjálfur og vann hörðum höndum að þessu takmarki. Hann er búinn að vera að vinna á frystitogara í nokkur ár og þar fá menn víst ágætis tekjur sem geta fleytt mönnum áfram ef menn ÁKVEÐA að nýta þær þannig. En NEI hann ÁKVEÐUR að börnin sín og kona séu drasl sem eigi ekki skilið að njóta góðs af sínum hard örnd moní. Dópið er málið. Svo þegar kemur að því að skaffararnir hans biðja hann um að borga til baka þá er að eina sem hann sér í stöðunni að veðja á að gera það allt á einu bretti með því að taka áhættu lífs síns. Til þess eins að geta haldið áfram neyslunni án þess að nokkurn gruni?!? WTF???

Hann Kallaði(stórt K) þetta yfir sig. Vonandi verður honum refsað á viðeigandi hátt. Ég fyllist viðbjóði þegar ég sé landa mína spretta fram útúr viðarverkinu og fara að upphefja sjálfan sig í kjölfarið á þessu máli. Önnur hver síða í blöðunum er full af greinum um það hvernig best sé að taka á þessu þannig að KB hljóti sem minnstan skell.

Það versta er ekki að KALLI BJARNI hafi verið nafngreindur ég held að það sé það besta sem gæti hafa komið fyrir hann í þessari stöðu. Það vonda er að miðlum virðist vera sama um það að fjalla um raunverulegt misrétti(ég meina: óréttlæti) í þjóðfélaginu. Hvers vegna erum við svona miklar gungur að þora ekki að öskra opinberlega um raunveruleg vandamál og reyna að finna á þeim lausn? Okkur finnst svo þægilegt að liggja bara heima í sófa og láta öll óþægilegu málin leysast að sjálfu sér eða bara hverfa okkur er alveg sama.

Það besta sem getur komið fyrir hann er að hann fái sem mestan skell útúr þessu og finni einhverjar alvöru tilfinningar og vakni til lífsins og noti heilann í alvöru!(sem hefur greinilega legið í dvala í nokkurn tíma)

Mér er ekki illa við KB ég þekki hann ekki neitt...EN! Nota fokking Bene! Það er nóg sjá heiminn missa sig yfir vandamálum Parisar Hiltonar svo að við séum ekki að búa til okkar eigið L.A. drama.

Í blöðum landsins(eyjunnar) er fullt af kláru fólki á launum við að skrifa um vandamál KB og hans vanda á meðan verið að skera niður opinbert fjármagn til lögfræðiþjónustu við fórnarlömb kynferðisofbeldis barna undir 18 ára. Ekki nóg með að það eru tæplega helmingslíkur á að fá dóm í slíkum málum vegna skorts á sönnunargögnum af því að vitnisburður tveggja ára barna er frekar óáreiðanlegur. Heldur er þessi skerðing þannig að lögfræðingar fá aðeins kvóta til að vinna í 2-3 klukkutíma við hvert mál. Sem er sennilega ekki nóg(án þess að ég sé einhver lögfræðisérfræðingur)

Eins og það er eflaust erfitt fyrir börn að koma fram og leggja fram kæru og það er vitað að málið muni mjög sennilega ekki vinnast. Hvernig verður þetta núna eftir þessa skerðingu á þjónustu við þessi börn? Fullorðið fólk er að ákveða misnota börn og komast upp með það. Þetta fólk er að vinna einhversstaðar, á vini, fer í bíó og borgar skatta, á börn sjálft og er á yfirborðinu oft á tíðum hið hressasta fólk sem smellpassar inn í þjóðfélagið...

Nei nei við skulum ekkert vera að pæla í þessu. Við skulum einbeita okkur að því að redda KB úr þessari klípu sem einhver setti hann í. Peningarnir sem eru þegar farnir í þetta KB mál hefðu eflaust getað greitt fyrir lögfræðiþjónustu fyrir a.m.k. eitt kynferðisglæpamál sem hefði sennilega tapast en lögfræðingurinn hefði samt getað verið til staðar fyrir barnið aðeins lengur en nú er boðið uppá.

Ef ég virka eitthvað reiður í þessari umfjöllun minni þá biðst ég velvirðingar á því. Því það sem ég vil að komist til skila er að ég er algjörlega HOPPANDI BRJÁLAÐUR yfir þessu kjaftæði!

Ef að það væri eitthvað réttlæti til sem næði yfir þá hræsni og mannvonsku sem hér ríkir þá myndu sálir ekki brenna í helvíti, heldur myndu menn loga hér og nú. Og það yrði svo sannarlega séð og heyrt!

This page is powered by Blogger. Isn't yours?