<$BlogRSDUrl$>

Tuesday, September 18, 2007

ok ég verð líka að vera memm í Þorgríms Þráinsdjóki landans.

Þossi minn er nú að gefa út bók ef það skildi hafa farið framhjá einhverfum.

Þossi bók fjallar um það einsog konan sagði í blogginu sínu hvernig landsmenn og aðrir geti verið góðir við konuna hans hahahahahahah hversu langlífur verður þossi djókur.

Allaveganna þá ætla ég kannski bara einu sinni að nálgast konuna hans og bjóðast til að vera góður við hana samkvæmt uppskrift eiginmanns hennar. Og svo ekki aftur!

Nei djók. Mér verður nú bara hugsað til hans Johns nokkurs Cleese þegar hann var ásamt eiginkonu sinni að kenna kynfræðslu fyrir framan bekk af áhugalausum nemendum í myndinni Meaning of life.

Þau dúndruðu og unglingunum hundleiddist.

Ég sé fyrir mér svipuð viðbrögð nemenda í skólum landsins ef hann Þossi færi nú að bera þorskinn sinn á kennaraborð fyrir framan bekkinn. Konan hans fengi kannski athygli en Þossi myndi held ég ekki ná að halda uppi stemningu í bekknum.

Muniði líka eftir bílasalanum í Fast show? Soldið þannig líka.
http://www.youtube.com/watch?v=mtoyLPROLZI

Thursday, September 13, 2007

Jæja þá getum við farið að pakka saman.

Ég er fluttur úr landi. Það er enginn ástæða lengur til að búa hér. Þetta er búið.

Randver verður ekki með í spaugstofunni næsta vetur.

Bless bless

Friday, September 07, 2007

Aldrei of mikið af því góða...

Ég sé þrenns konar tegundir af auglýsingum: Sniðugar auglýsingar sem vekja athygli neytandans á vörunni á skemmtilegan hátt. t.d. Thule.

Svo höfum við auglýsingar þar sem er bara verið að ljúga. T.d. Bílar sem eru með hlaupandi vélhunda á undan sér sem kanna aðstæður vegarins rétt á undan bílnum. Mig langar í svoleiðis bíl en hann er ekki til. Á ég þá að kaupa mér þennan bíl sem er ekki með þessum vélhundum sem voru samt í auglýsingunni og ímynda mér að þeir séu þarna að hlaupa. "Ég er með vélsleðahunda sem hjálpa mér hehe..vei."

Síðan eru þær sem ég vil meina að séu skipana/hræðslu/hótanaauglýsingar. T.d. Securitas þegar þeir með sinn hræðsluáróður þar sem þeir eru að benda innbrotsþjófum á að það sé í lagi að brjótast inn hjá fólki sem er of heimskt til að versla af þeim þeirra varðhundaþjónustu. Svo er það þessi blessaði mjölkurvörufasismi. Allir verða að eiga mjólk og þamba hana í lítravís. Því það sé eina leiðin til að fá kalk annars brotna beinin einsog hrökkbrauð þegar þú eldist!!! Það eru til margir aðrir kalkagjafar í heiminum t.d. sesamfræ.
Svo er uppáhaldið mitt: Ostaherferðin. Mér finnst ostur góður en hann er ekki lífsnauðsynlegur orkugjafi. Einu sinni var auglýsingaskilti utan á Melabúðinni þar sem var máluð mynd af stórum ostsneiðum og undir stóð: "Þykkari sneiðar, meiri næring".

Í fyrsta lagi hvernig á maður sem á venjulegan ostaskera að geta fengið sér þykkari sneiðar? Á hann að glenna rifuna á ostaskeranum í sundur með töng?

Og til hvers? hvernig væri að bara að fá sér fleiri sneiðar? Og hversu mikla næringu er verið að tala um? Þarf maður að fá sér meiri ost en maður ætlaði sér kannski?

Þetta þykja mér ekki holl húsráð.

Ég hélt að þetta væri gamaldags lumma sem væri fyndið að rifja upp og hugsa: "Haha við vorum svo barnaleg og saklaus í gamla dag. Þá var hollt að reykja og menn borðuðu endalausan ost í von um að beinin myndu verða að stáli og við fengjum ofurkrafta."

Nei nei svo sé ég auglýsingu í imbakassanum þar sem lítil stelpa sparkar bolta upp á 50000 hæð í blokk. En þetta gat hún af því er virðist vera geta gert vegna þess að hún borðaði ost við hvert tækifæri.

Ég er nú ekki viss um að hjartavernd sé kát með þessi skilaboð.

Síðan er sagt í lokin: "Of mikið? Nei ALDREI of mikið af því góða!" ALDREI!!! þú getur aldrei borðað of mikið af osti!

This page is powered by Blogger. Isn't yours?